დაგვიანებული პოსტი თემაზე–”50 წიგნი,რომელიც უნდა წაიკითხო სანამ ცოცხალი ხარ”

დიდი ხანია მინდოდა ამ პოსტის დაწერა,მაგრამ ვფიქრობდი რა დამეწერა.რამდენიმე თვის წინ ეს თემა განვიხილე facebook-ზე,ახლა კი როდრიგო სანტოროს პოსტმა შემაგულიანა რომ დამეწერა :–)

ამ თემაზე ბევრმა იმსჯელა..ყველამ საკუთარი მოსაზრება გამოთქვა..შეიმუშავეს სხვადასხვა კლასიფიკაციები,ეს მართლაც ძალიან საინტერესოა და ყველას განსხვავებული შეხედულებები აქვს,არც არავის ვაკრიტიკებ და არც ვაქებ,უბრალოდ მეც მინდა ჩემი მოკრძალებული ჩამონათვალი შევადგინო :–)


პირველყოვლისა ვიტყვი იმას,რომ ზოგიერთი წიგნი ჩემს სიაში მოხდა იმის გამო ,რადგან ქართველი ვარ…და ალბათ ასე რომ არ იყოს ჩემს სიაში ვერ მოხვდებოდნენ :–)

ბევრი მხოლოდ მხატვრულ ლიტერატურას განიხილავს..მეც ძირითადად მხატვრულ ნაწარმოებებს ჩამოვთვლი,მაგრამ…..უბრალოდ არ შემიძლია არ დავასახელო ,,ახალი აღთქმა”,რომელიც ყველა ადამიანმა უნდა წაიკითხოს…ასევე ანტონ სუროჟელის ,,შეხვედრა ცოცხალ ღმერთთან”..ამ პატარა სასულიერო წიგნმა იმდენი მომცა და იმდენი მასწავლა,რამდენიც ალბათ მთელმა მხატვრულმა და ფილოსოფიურმა ლიტერატურამ ….ალბათ მკითხველს გაუკვირდება ამ სიაში ვლადიმერ სოლოღაშვილის წიგნსაც რომ წააწყდება,მაგრამ ვფიქრობ მართლაც საინტერესო წიგნია,და მართლაც ბევრი რამ მასწავლა…სიაში შევიდა რამდენიმე ფილოსოფიური წიგნი…ჰაიდეგერის ,,თემშარას”წიგნსაც ვერ ვუწოდებთ,მაგრამ ეს პაწია ბროშურა უდიდეს სიბრძნეს შეიცავს და შთამბეჭდავად გვაჩვენებს ცხოვრების ფილოსოფიურ სიღრმეებს…

რამდენიმე ისეთი ავტორი მაქვს ჩამოთვლილი,ვფიქრობ მათი ნებისმიერი ნაწარმოები აუცილებლად უნდა წაიკითხო,მართალია გამოვყავი თითო ნაწარმოები,მაგრამ მართლაც ძალიან გამიჭირდა..მაგალითად ჰესსე!!დოსტოევსკი!ჰიუგო!სტენდალი!…….. და გოდერძი ჩოხელი!

აი,ჩემი სიაც….

  • ”ახალი აღთქმა”
  • ანა ფრანკის დღიურები”
  • ბალზაკი,,შაგრენის ტყავი”
  • ბრონტე შარლოტა ,,ჯეინ ეარი”
  • გოეთე ,,ფაუსტი”
  • გოგოლი,,მკვდარი სულები”
  • გამსახურდია,,დიდოსტატის მარჯვენა”
  • გოლზუორთი,,ფორსაიტების საგა”
  • გურამიშვილი,,დავითიანი”
  • გასეტი,,მასების ამბოხი”
  • დოსტოევსკი,,დანაშაული და სასჯელი”
  • დოსტოევსკი,,ძმები კარამაზოვები”
  • დოჩანაშვილი,,კაცი,რომელსაც ლიტერატურა ძლიერ უყვარდა”
  • დუმბაძე ,,მარადისობის კანონი”
  • ეგზიუპერი ანტუან დე სენტ,,პატარა უფლისწული”
  • ვაჟა ფშაველა–პოემები და მოთხრობები
  • ვოინიჩი,,კრაზანა”
  • თეკერეი უილიამ ,,ამაოების ბაზარი”
  • კაფკა ფრანც,,მეტამორფოზა”
  • კამიუ ალბერტ ,,შავი ჭირი”
  • კიზი კენ,,ვიღაცამ გუგულის ბუდეს გადაუფრინა”
  • კრაშევსკი იუზეფ ,,გრაფინია კოსელი”
  • ლონდონი ჯეკ,,დიდი სახლის პატარა დიასახლისი”
  • მარკესი გაბრიელ გარსია,,მარტოობის ასი წელიწადი”
  • მაკიაველი ნიკოლო,,მთავარი”
  • ნეტარი ავგუსტინე,,აღსარება”
  • რემარკი ,,ტრიუმფალური ტაღი”
  • რუსთაველი შოთა,,ვეფხისტყაოსანი”
  • რუსო ჟან ჟაკ ,,ემილი ანუ აღზრდის შესახებ”
  • სენკევიჩი,,ვიდრე ჰხვალ”
  • სტენდალი,,წითელი და შავი”( აქვე მივაწერ…,,პარმის      სავანეც”)
  • მიტროპოლიტი ანტონ სუროჟელი ,,შეხვედრა ცოცხალ  ღმერთთან”
  • სოლოღაშვილი ბესარიონ,,რას ეძებ ადამიანო”
  • სარტრი ჟან პოლ–პიესები,,ცხრაკლიტული”,კედელი” ,,ბუზები”
  • ტვენი მარკ,,ტომ სოიერის თავგადასავალი”
  • ტოლსტოი ,,ანნა კარენინა”
  • უაილდი ოსკარ,,დორიან გრეის პორტრეტი”
  • ფრიში მაქს,,homo faber”
  • ფრენსის ფუკუიამა,,უკანასკნელი ადამიანი”
  • შექსპირი უილიამ –პოემები
  • ცვაიგი სტეფან,,მარიამ სტიუარტი”
  • ჩეხოვი ,,ადამიანი ფუტლიარში”
  • ჩოხელი გოდერძი,,ადამიანთა სევდა”
  • ჭავჭავაძე ილია,,გლახის ნაამბობი”
  • ჯოისი ჯეიმს,,დუბლინელები”
  • პლატონი,,სახელმწიფო”
  • ჰემინგუეი,,მოხუცი და ზღვა”
  • ჰესსე ჰერმან,,ტრამალის მგელი”( აქვე არ შემიძლია არ               ვთქვა,,ნარცისი      და       გოლდმუნდი”, ,,სიდჰარტა”)
  • ჰიუგო,,კაცი,რომელიც იცინის”
  • ჰაიდეგერი მარტინ ,,თემშარა”

ალბათ ბევრი არ დამეთანხმება,იმიტომ რომ ეს საკითხი მართლაც სუბიექტურია,მე უბრალოდ ჩემი აზრი შემოგთავაზეთ…იმასაც ვერ ვიტყვი ,რომ ეს საკმარისია,კიდევ ბევრი წიგნია,რომელიც აუცილებლად უნდა წაიკითხო..იქნება ისეთებიც რომლებიც ჯერ არც კი გამიგია..ვერ ვიტყვი ,რომ ძალიან განათლებული ვარ და მეტი აღარაფერი მაქვს წასაკითხი  …ჯერ წინ მართლაც დიდი სიამოვნება მელოდება..,,პირველად წაკითხვის ბედნიერება”! :–)

12 thoughts on “დაგვიანებული პოსტი თემაზე–”50 წიგნი,რომელიც უნდა წაიკითხო სანამ ცოცხალი ხარ”

  1. მაგას კიდევ რამდენიმე წიგნს მივამატებდი, მარა შენ როგორც ამბობ ეს სუბიექტურია. ერთი ისაა ” მარტოობის ას წელს” გული ვერ დაუდე და კიდევ კოელიოს

    • სიმართლე გითხრა მეც დიდად არ მომწონს ,,მარტოობის ასი წელიწადი” ,ეს სია ჩემი საყვარელი წიგნების ჩამონათვალი არაა .ვფიქრობ მარკესი მაინც უნდა წაიკითხოს ადამიანმა,თუნდაც იმიტომ რომ შეეძლოს მისი შეფასება…

  2. კარგი სიაა ნამდვილად. მართალია ყველა არც მე ამქვს წაკითხული და ბევრის წაკითხივს ბედნეირება წინ ამქვს როგორც შენ–თქვი, მაგრამ მომეწონა იმ წიგნების დასახელება რომლებიც ამ სიაში შეიტანე. მომინდა რომ ყველა მათგანი წავიკითხო !! : )

  3. შენ კლასიკა გყვარებია…

    “პატარა უფლისწული” კიზი და “ტრიუმფაული თაღი” განსაკუთრებით მომეწონა.

    ოღონდ, შენი თქმის არ იყოს, ეს სია, ნებისმიერ შემთხვევაში, ღრმად სუბიექტურია და ამიტომ არ მესმის, როგორ შეიძლება ასეთი პრეტენზიული სახელის პროექტი უბრალო კენჭისყრით შეირჩეს.

  4. Au xom ar iciit “didi saxlis patara diasaxlisi” sad viyidoo versad ver vnaxe😦 dzalian minda wakitxva

  5. ar vici:( wignis magazliebshi iqneba…magram me ar momikitxavs,simartle gitxrat… an sajaro bibliotekidan gamoitanet da waikitxet ,aucileblad iqneba iq.

  6. umetesoba ar maqvs wakitxuli magram aucileblad wavikitxav:) minda wavikitxo tetri xeltatmani vedzeb da ver vpoulob. man ridisaa.vipovi da wavikitxav axla sami mushketeris gagrdzelebas(10 da 20 wlis shemdeg) vkitxulob calian kargia:)

  7. დავთვალე და შენი ორმოცდაათი წიგნიდან 34 მაქვს წაკითხული, ყველაში არა, მაგრამ უმრავლესობაში გეთანხმები: )))

    დედა შემოვიდა ახლა და მუსიკა ესმის, მკითხა ვისიაო? არ ვიცი– მეთქი. მეც ძალიან მომწონს და მითხარი ვისი ნაწარმოებია: )

  8. რამდენიმე მეც არ მაქვს წაკითხული… ეგ სია პირობითია, ყველას თავისი ,,50 წიგნი’’ აქვს… და ყველა წიგნსაც თავისი მკითხველი ყავს…:) ადრე დავწერე და ახლა რომ გადავხედე რამდენიმე წიგნს მართლაც ამოვიღებდი და მათ ნაცვლად სხვას დავდებდი🙂
    ეს კომპოზიცია Keiko Matsui_ს ,,Midnight stone”აა….

  9. you tube -ზე მოვძებნე ღმერთო რა კარგია:* მადლობა მადლობა მადლობა

  10. ეს ჩემი სამაგიდო წიგნია. რაღაც სასწაულია, არ მესმის იმ ადამიანების ვინც ამას წაიკითხავს და გულგრილი დარჩება. საოცრებაა. მიხარია რომ ამდენ ადამიანს უყვარს იგი, მაგრამ კიდევ ბევრმა უნდა შეიყვაროს. მარიამი.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s